Peres: "Final oldidan hakam bizga tahdid qilgani hech kimga sir emas"

"Real Madrid" prezidenti Florentino Peres o‘tgan mavsumda "Barselona"ga qarshi o‘tgan Ispaniya Kubogi finali (2:3) oldidan hakamlar tomonidan klubga qilingan tahdidlar haqida gapirdi.

Unga ko‘ra, "Real" — "Negreyra ishi"da sud jarayonida ishtirok etgan yagona jamoa bo‘lgan. Peresning ta’kidlashicha, "Barselona"ning to‘rt prezidenti 17 yil davomida Hakamlar qo‘mitasi vitse-prezidentiga millionlab pul to‘lovlari amalga oshirgan.

"Yangi rahbar Fran Soto (TXK — Texnikaviy hakamlar qo‘mitasi) barchasini "unutaylik" deb so‘rayapti. Qanday qilib unutamiz? Real holat shundaki, "Negreyra ishi"da tilga olingan hakamlarning aksariyati hali ham faoliyat yuritmoqda…

Bunday vaziyat ularning xolis ishlash imkoniyatini yo‘qqa chiqaradi. Qanday qilib Kubok finali oldidan bosh hakam bizga hakamlar klubimizga qarshi chora ko‘rishini aytgan bo‘lishi mumkin? Bu — Qirol Kubogi finali oldidan bo‘lgan!

U hakam lavozimidan chetlatilishi kerak edi, lekin hech qanday chora ko‘rilmadi", — dedi Peres.