Педри кумири ким эканлигини айтди

"Барселона" футболчиси Педри ўз вақтида Каталония жамоасининг ярим ҳимоя чизиғида ўйнаган футболчилар ҳақида фикр билдирди.

- Иньеста ёки Хави иштирок этган видеоларни кўрар эканман, уларнинг ўйини менга чуқур таъсир қилади. Уларни кўриб ўрнак олишга, машқ қилишга, ҳар куни такомиллашишга интиламан, токи бир кун келиб худди улар каби ўйнай олиш учун.

Менинг кумирим бўлган Иньеста иштирокидаги видеоларни кўп томоша қилганман. Унинг майдондаги ҳаракатларини - айрим услубларини, тўпни қандай назорат қилишини такрорлашга ҳаракат қилдим, - деди Педри УЕФАга берган интервьюсида.

Маълумот учун, "Барселона" ЕЧЛнинг ярим финал баҳсида "Интер"га қарши баҳс олиб боради.