Педди Пимблетт: "Агар Ислом Махачевни камардан воз кечишга мажбурлаган бўлсангиз, унда Жон Жонсдан ҳам камарни олиб қўйинг"

UFC енгил вазн собиқ чемпиони Ислом Махачев (27-1 ММА, 16-1 UFC) чемпионлик камаридан воз кечиб, ярим ўрта вазнга ўтишга қарор қилди. У жорий йил янги чемпион Жек Делла Маддалена билан жанг қилиши кутилмоқда. Педди Пимблетт (23-3 ММА, 7-0 UFC) Махачевнинг камарни бўшатганидан ҳайратда қолди. 

"Мен Исломни камарни топширишга мажбурлашади, деб ўйламагандим. Агар Махачевни мажбурлаётган бўлсангиз, унда Жонсдан ҳам камарни олиб қўйиш керак. Ислом тўртта жангда камарини ҳимоя қилган, қисқа муддатда рақиблар билан жанг қилган. Унга икки вазнда чемпион бўлиш имкониятини бериш зарур эди. Агар мен Исломни ўрнида бўлганимда, аввал Топурияни енгардим, кейин тўрт ой ичида Делла Маддаленага қарши октагонга кўтарилардим"  — деди Пимблетт "TNT Sports" га берган интервьюсида.

Эслатиб ўтамиз, Ислом Махачев ва Жек Маддалена тўқнашуви Лас-Вегасда ўтказиладиган халқаро жанглар ҳафталигида бўлиб ўтиши кутилмоқда.

Хамидова Зебонисо тайёрлади