Пасторе АПЛда ўйнашни истамади

Франциянинг ПСЖ клуби ярим ҳимоячиси Хавьер Пасторе бир қатор инглиз клубларининг эътиборига тушмоқда.

Sky Sport Italia тарқатган хабарга қараганда “Ливерпуль” ва “Тоттенхэм” жорий қишки трансферлар даврида 28 ёшли аргентиналик футболчи учун 25 миллиондан 40 миллион еврогача пул таклиф қилишган. Бироқ, Пасторе ушбу таклифларни рад этган. Маълумотларга қараганда Пасторе аввал тўп сурган Италия А Сериясига қайтмоқчи.

Бу ерда Пасторе учун реал харидор фақатгина “Интер” бўлиб турибди. Қолаверса, миланликлар уни ижарага олишмоқчи. Аммо, ПСЖни футболчининг сотувидан бошқа нарса қаноатлантирмайди.