Париж-2024: 4 нафар пара сузувчимиз финалга йўл олди!

Бундан бироз аввал эркаклар ва аёллар ўртасида S13 классида 100 метр масофага баттерфляй усулида сузиш бўйича саралаш баҳслари якунланди. Қувонарлиси, ушбу масофаларда стартга чиққан ҳамюртларимиз - Музаффар Турсунхўжаев, Кирилл Панков, Шохсанам Тошпўлатова ҳамда Муслима Одилова саралашни муваффақиятли ўтказиб, финал йўлланмасига эга бўлди. Яна бир вакилимиз Ислам Асланов эса ўз гуруҳида 6-ўринни эгаллади.

Эркаклар ўртасида финал баҳслари бугун Тошкент вақти билан соат 23:09 да, аёллар ўртасидаги финал эса 23:15 да бошланади.