Paralimpiya. Ruxshona O‘ktamova jahon kubogida jahon rekordini yangiladi!

Xabar berganimizdek, shu kunlarda Gruziya poytaxti Tbilisi shahrida para pauerlifting bo‘yicha jahon kubogi bo‘lib o‘tmoqda.

Biz uchun ahamiyatlisi, bundan biroz avval yoshlar o‘rtasida -61 kg vazn toifasida bahslarga kirishgan hamyurtimiz Ruxshona O‘ktamova 109 kg natija qayd etgan holda oltin medalni qo‘lga kiritdi. 

E’tiborli jihati, vakilimiz ushbu natija orqali o‘ziga tegishli bo‘lgan yoshlar o‘rtasidagi jahon rekordini ham bir kilogrammga yangilashga muvaffaq bo‘ldi.