Ўзининг катта рекордини янгилаган Роналду эмоцияга берилиб кетди

Криштиану Роналду етакчилигидаги “Ан-Наср” жамоаси Саудия Арабистони Профессионал лигасида кетма-кет тўртинчи ғалабасини нишонлади.

Бу гал риёдликлар Жидда “Ал-Иттиҳод”ни 2:0 ҳисобида таслим қилди.

Ғалабани икки машҳур юлдуз – Садио Мане ва Криштиану Роналду киритди.

Роналдунинг голи янги рекорд сифатида қайд этилди. 40 ёшли ҳужумчи ўзига тегишли катта рекордни янгилаб, жаҳон футболида расмий баҳсларда урган голлари сонини 946 тага етказиб олди.

Криштиану учрашувдан кейин Instagram саҳифасида фикрини ёзиб қолдирди.

- Бу “Ан-Наср”! Мана биз киммиз, - деб ёзди Роналду.

Криштиану Роналдунинг “Ан-Наср” билан шартномаси 2027 йилнинг ёзигача тузилган. Кўпчиликни Роналду голларини сонини 1000 тага етказа олиш имконияти бор-йўқлиги қизиқтирмоқда.