Ўзбекистонлик WBC камари соҳиби қай тарзда кутиб олинди?

4 сентябрь куни Россия пойтахти Москва шаҳрида ташкил этилган, профессионал бокс оқшомида ёшлар ўртасида WBC жаҳон чемпионлик камарини қўлга киритган Равшан Маҳаммаджонов ва мураббийи Зуфар Сулаймонов юртимизга қайтиб келди. 

Улар Жисмоний тарбия ва спорт вазирлиги ҳамда Ўзбекистон миллий олимпия қўмитаси мутасаддилари ва бокс мухлислари томонидан танатанали равишда кутиб олинди. 

Шуни алоҳида таъкидлаб ўтиш лозимки, ҳамюртимиз биринчи ўрта вазн тоифасидаги жангда украиналик Володимир Гордиенкони очколар ҳисобига мағлуб этди ва ўзбек профессионал бокс тарихида илк бора ёшлар ўртасидаги WBC камарини юртимизга тортиқ қилди.