Ўзбекистонлик муайтай устаси Face to Face маросимида иштирок этди. Эртага жанг!

Юртимизнинг энг кўзга кўринган профессионал муайтайчиси Бобур Тагиев навбатдаги жангини ўтказади. У эртага 26 март куни Туркиянинг Истанбул шаҳрида "Вендетта" промоушени томонидан ташкил этилаётган "Fight Night Istanbul" турнирида рингга кўтарилади. 

Бу сафарги рақиб жуда кучли ва "One Championship" промоушени чемпиони саналадиган Россия вакили Жамал Юсупов бўлади. У "One Championship" да 6 та жанг ўтказиб, барчасида ғалаба қозонган. 

Мазкур қарама-қаршилик турнирнинг асосий жанги ҳисобланиб, 72 кг вазн тоифасида К-1 йўналишида бўлиб ўтади. Бугун ушбу жанг аввалида ўзига хос Face to Face маросими бўлиб ўтди.

Эслатиб ўтамиз, Бобур Тагиев 25 февраль куни Дубай шаҳрида ташкил этилган профессионал муайтай кечасида WMC International чемпионлик камари учун франциялик Валентин Тибаутга қарши жанг қилган эди. Ушбу тўқнашувда устунлик қилаётган ҳамюртимиз жиддий жароҳат олганлиги сабабли, жанг тўхтатилган ва ғалаба Тибаутга бериб юборилганди.