O‘zbekistonlik kikboksingchi professional boksda debyut qiladi

“Alligator” laqabi bilan mashhur kikboksing ustasi Sher Mamazulunov qisqa vaqt ichida ikkita jangda ishtirok etadi. Qiziqarli jihati, u professional boksda ham debyut jangini o‘tkazadi.

"Uzoq tanaffusdan so‘ng, yana ringga qaytmoqdamiz. Aniqroq qilib aytganda, 4 avgust kuni Moskvada K-1 yo‘nalishi bo‘yicha yangi promoushen turnirida jang qilaman. 12 sentyabr kuni esa, yana Rossiya poytaxtida tashkil etiluvchi professional boks kechasida debyutim kutilmoqda. Albatta, tez orada raqiblarga ham oydinlik kiritiladi",- dedi Mamazulunov.