O‘zbekistonda OChL o‘yinlari namoyish etilmaydi?! "Sport" yoki "UzReport"? Muammo nimada?

Ayni damda OChL o‘yinlarining translyatsiya masalasi juda ko‘p bahslarga sabab bo‘lmoqda. Shu bois, unga atroflicha (bizdagi ma’lumotlardan kelib chiqib) to‘xtalib o‘tamiz.

Ayni damda, Osiyo chempionlar ligasining translyatsiya huquqi (O‘rta Osiyo bo‘yicha) "Saran Media"ga tegishli. Shartnomaga ko‘ra, 2021/2024 yilgi mavsumlar uchun "Uz Report" guruh va pley-off o‘yinlarini namoish etish xuuqini qo‘lga kiritilgan. "UzReport" texnikalar bilan sodir bo‘lishi mumkin bo‘lgan muammoni Turkiyaning "Saran Media" kompaniyasi yordamida echib kelgan.

MTRKning aktivligi oshishi bilan, "UzReport" biroz chetga chiqib qolganidan xabaringiz bor. Aynan shu sababli joriy mavsumda shaxsiy kanal OChL o‘yinlarini translyatsiya qilish istagida yonmayapti. Sababi, "Saran Media"ni bir vaqtning o‘zida O‘zbekistonning 3 ta stadionda ishlashi hazilakam pul bo‘lmaydi. Kanal o‘z harakat vektorini o‘zgartirgani va "Futbol Tv"ning yopilganini hisobga olsak, bu kontentni namoyish etishi mumkin bo‘lgan kanal ham yo‘q.

MTRK bu huquqni qo‘lga kiritish uchun harakatni boshlagan, biroq buning uchun avval "UzReport" huquqni OFKga qaytarib berishi yoki MTRK bilan “bo‘lishishi” lozim. Afsuski, masala bunday osonlik bilan  echilmaydi. Sababi, OFKning translyatsiya borasidagi yangi reglamentiga ko‘ra, VAR sistemasi guruh o‘yinlaridan boshlab ishlatiladi.

Bu 1-turdanoq 10 ta sifatli kamerada o‘yinlarni efirga olib chiqish shart degani! Soddaroq qilib aytsak, Superliga o‘yinlaridan kamida 3 barobar ko‘proq kamera va texnika ishlatiladi. Endi MTRKning bir yo‘lda 3 ta shahrida 10 ta kamera bilan o‘yinlarni onlayn efirga uzatishini tasavvur qilib ko‘ring?! Birgina bayram tadbirlari chog‘ida VAR sistemasini ishlatishda muammolarga duch keladigan MTRK xalqaro darajadagi 3 ta translyatsiyani parallel efirga berishi juda mushkul masala.

Hozir o‘yinlarni translyatsiya huquqidan ko‘ra, uni efirga olib chiqish bir necha barobar qimmatroqqa tushadi. Aynan shu xarajatlar sababli "UzReport" ham, MTRK ham aniq bir to‘xtamga kela olmagan.Voqealar rivojini kuzatishda davom etamiz.

Yahyoxo‘ja Ulug‘xo‘jaev