O‘zbekiston MTJ Osiyo Kubogi saralashida 6 ochko jamg‘argan. Ammo bu hozircha etarli emas

Xabaringiz bor, Namanganda milliy terma jamoalar o‘rtasida Osiyo Kubogi saralash bahslari o‘tkazilmoqda. "S" guruh ishtirokchilari o‘rtasida 2-tur uchrashuvlari yakunlandi.

O‘zbekiston va Tailand termalari Maldiv orollari va Shri-Lankani taslim etib, 6 ochkodan to‘plagan holda turnir jadvalida qo‘shhokimlikni yuzaga keltirgan. 14 iyun kuni O‘zbekiston va Tailand o‘zaro kuch sinashadi va birinchi o‘rin masalasini hal etiladi.

Taniqli mutaxassis Alisher Nikimbaev telegramdagi sahifasida ayni paytdagi 6 ochko hali hech qaysi jamoaga chiqishni kafolatlamasligi va hammasi 14 iyun kuni hal bo‘lishini ma’lum qildi. Demak, oxirgi tur o‘z-o‘zidan guruh finaliga aylanadi.