O‘zbekiston kubogi. Penaltilar seriyasida g‘alaba qozongan "So‘g‘diyona" dastlabki yarim finalchiga aylandi
O‘zbekiston kubogi chorak finalidan o‘rin olgan "So‘g‘diyona" - "Qizilqum" o‘yini yakuniga etdi. Unda asosiy vaqt 1:1 hisobida yakunlandi.
Qo‘shimcha taymlarda ham hisob o‘zgarmadi. Penaltilar seriyasida esa mezbonlar 4:3 hisobida g‘alaba qozondi.
Jizzax klubi safida golga Shohruz Norxonov mualliflik qildi. Mehmonlarning goli Sanjar Shoahmedov nomiga qayd etildi.
Shu tariqa, "bo‘rilar" qiyinchilik bilan yarim final yo‘llanmasiga ega chiqdi. "Qizilqum" chorak finalda musobaqa bilan xayrlashdi.
Fikrlar