O‘zbekiston Indoneziyani 25 shayba farqi bilan mag‘lub etdi

Armaniston mezbonlik qilayotgan xokkey bo‘yicha jahon chempionati IV divizion bahslarida O‘zbekiston terma jamoasi yana bir ishonchli g‘alabani tantana qildi. Bu safar yigitlarimiz Indoneziyani 26:1 hisobida dog‘da qoldirib, guruhdagi peshqadamlikni mustahkamlashdi.

Oldinda bitta o‘yin — shanba kuni turnir autsayderi Malayziya termasiga qarshi o‘yin qoldi. Chempionlikni qo‘lga kiritish uchun istalgan hisobda g‘alaba qozonish kerak, faqatgina asosiy vaqtda.