Ўзбекистон футбол ассоциацияси: 12 август куни матбуот анжумани ўтказилади

Хабарингиз бор, футзал бўйича Ўзбекистон миллий терма жамоаси Литвада ўтадиган 2021 йилги жаҳон чемпионатида иштирок этади.

Футзал терма жамоамиз 14 август санасида Тошкентдаги машғулотларни якунлаб, Мадрид ва Порту шаҳарларида ўтадиган хорижий йиғинга йўл олади.

Футзалчиларимиз мазкур йиғинлар давомида Испания, Португалия, Aргентина каби дунёнинг етакчи терма жамоалари билан ўртоқлик учрашувлари ўтказади. Шундан сўнг, вакилларимиз жаҳон чемпионатида иштирок этиш учун Литва пойтахти Вильнюс шаҳрига етиб боради.

Мундиал сафари олдидан ЎФA мажлислар залида бош мураббий Баҳодир Aҳмедов ҳамда футзалчилар иштирокида матбуот анжумани ташкил этилади. Aнжуман 12 август куни соат 14:00да бошланади.