O‘zbekiston finaldagi raqibi Ugandadan 10 barobar qimmat jamoa

Ayni kunlarda Namanganda "Navruz Cup" xalqaro turniri o‘tkazilmoqda. Qiriz Respublikasi, Tojikiston va Uganda terma jamoalari yurtimizga tashrif buyurgan. 4 jamoa ishtirokidagi musobaqa 2 ta yarim yarim final, 3-o‘rin uchun bahs va finaldan iborat.

O‘zbekiston milliy terma jamoasi qo‘shni Qirg‘iz Respublikasini 3:1 hisobida engib, finalga yo‘l oldi. Uganda esa Tojikiston bilan kuch sinashdi. Uchrashuvning asosiy vaqti durang bilan yakunlangach - 1:1, penaltilar seriyasida Afrika qit’asi vakili 5:4 hisobi zafar quchdi.

Shu tariqa, finalda Srechko Katanets shogirdlari Ugandaga qarshi bellashuvda maydonga tushadi. 

Hamyurtlarimizning hal qiluvchi o‘yindagi raqibining umumiy transfer narxi 3.93 million evroni tashkil qiladi. O‘zbekiston milliy terma jamoasining transfer narxi 33 million evro. Vakillarimiz Ugandadan deyarli 10 barobar qimmat tarkibga ega. Lekin transfermarkt portalida Uganda termasidagi ko‘plab futbolchilarining transfer narxi ko‘rsatilmagan. Shuning uchun umumiy transfer narxga ta’sir qilgan.

O‘zbekiston MTJning finaldagi raqibi Uganda FIFA reytingida qaysi o‘rinda ekanligini bilasizmi?