O‘zbek dzyudosi tarixida yangi sahifa ochildi!

Qatarda bo‘lib o‘tayotgan dzyudo bo‘yicha jahon chempionatining +100 kg vazn toifasidagi bellashuvlarida hamyurtimiz Alisher Yusupov yaponiyalik Kokoro Kageurani ippon bahosi bilan mag‘lubiyatga uchratib, bronza medaliga sazovor bo‘ldi.

Shu tariqa, dzyudochilarimiz yakkalik bellashuvlarini 2 ta kumush va 2 ta bronza, jami 4 ta medal bilan yakunlashdi. Aytish lozimki, hali hech bir jahon chempionatida terma jamoamiz 4 ta medal qo‘lga kiritmagan edi. Oldinda hamyurtlarimizni aralash jamoaviy dastur kutib turibdi.