Ot sporti. Konkurchilarimiz Barselonaga yo‘l oldi

Konkur bo‘yicha O‘zbekiston terma jamoasi Millatlar ligasining final bosqichida ishtirok etish uchun Ispaniyaning Barselona shahriga yo‘l oldi. Bu haqda Milliy Olimpiya qo‘mitasi matbuot xizmati xabar tarqatmoqda.

Manbaga ko‘ra, hamyurtlarimiz 29 sentyabrdan 3 oktyabrgacha bo‘lib o‘tadigan nufuzli musobaqada yurtimiz sharafini himoya qilishadi.

Eslatib o‘tamiz, konkurchilarimiz Millatlar ligasining Evrosiyo mintaqasida o‘tgan saralashning barcha bahslarida etakchilik qilib, final bosqichiga yo‘l olishgan edi.