Osiyo kubogi U-23. O‘zbekiston muxlislar ko‘z oldida Qatarni "ko‘mib qo‘ydi"

23 yoshgacha bo‘lgan yoshlar o‘rtasida Osiyo kubogi 2-turidan o‘rin olgan Qatar - O‘zbekiston uchrashuvi bo‘lib o‘tdi. Unda vakillarimiz 6:0 hisobida raqibdan ustun keldi. 

Hamyurtlarimizdan Jasur Jaloliddinov, Hojimat Erkinov, Husain Norchaev, Ulug‘bek Hoshimov hamda Ruslanbek Jiyanov gol urishga muvaffaq bo‘ldi. Shuningdek, Yusuf Ayman bir bora o‘z darvozasini ishg‘ol qilib qo‘ydi. 

Shu tariqa, yoshlar jamoamiz ochkolari sonini 6 taga etkazib oldi va keyingi bosqich masalasini muddatidan avval hal qildi.