Осимхен яна АПЛнинг гранд жамоаси билан музокарани бошлади

Нигериялик ҳужумчи Виктор Осимхен Саудия Арабистонининг "Ал-Ҳилол" клубига ўтиши амалга ошмай қолгач, Англияга йўл олиши мумкин. Бу ҳақда "Foot Mercato" хабар берди.

Манбага кўра, трансфер шартлари бўйича шахсий шартномада келишилмаслиги сабабли Осимхеннинг "Ал-Ҳилол"га ўтиши бекор қилинди. Энди футболчи ва "Манчестер Юнайтед" ўртасида музокаралар қайта бошланган.

Қайта кўриб чиқилаётган шартлар:

Йиллик маош: 12 миллион евро

Трансфер суммаси: 75 миллион евро (бу сумма "Наполи" талаб қилаётган миқдор ҳисобланади)

Эслатиб ўтамиз, ўтган мавсум Осимхен "Галатасарай" клубида ижара асосида ўйнаган ва 41 та ўйинда 37 та гол, 7 та ассист билан жамоасига чемпионликни қўлга киритиш учун катта ҳисса қўшган эди.