"Омад, афсона!"-ЦСКА футболчиси Файзуллаевнинг кетишига муносабат билдирди

Москванинг ЦСКА клуби ҳимоячиси Данил Круговой ярим ҳимоячи Аббосбек Файзуллаевнинг "армиячилар"ни тарк этиб, фаолиятини Туркиянинг "Истанбул Башакшеҳир" клубида давом эттириши ҳақида ўз фикрини билдирди.

"Аббосик, биламан, сен жуда-жуда катта жойда ўйнашни орзу қиласан ва ишонаманки, сен буни уддалайсан! Омад, афсона! Ярқира!" - деб ёзди Круговой ўзининг телеграм-каналида.

Эслатиб ўтамиз, 21 ёшли Аббосбек  2023 йилнинг ёзида "Пахтакор"дан 500 минг евро эвазига ЦСКАга ўтган. У жами 72 та ўйин ўтказиб, саккизта гол урган ва 22 та голли узатмани амалга оширган. ЦСКА билан биргаликда Файзуллаев Россия кубоги ва Суперкубоги ҳамда РПЛнинг бронза медалини қўлга киритди. Клуб сафида ўйнаган даврида у Осиёда йилнинг энг яхши ёш футболчиси деб топилди.