"Олтин тўп" учун номзодларнинг янгиланган рўйхати эълон қилинди

Нуфузли "Goal" портали 2025 йилги "Олтин тўп" соврини учун номзодлар рейтингининг янгиланган талқинини эълон қилди.

Ушбу рейтингнинг юқори учлигидаги ўринлар аввалги версияга нисбатан ўзгармаган. Пешқадамликни Рафинья ("Барселона") сақлаб қолган бўлса, иккинчи ўринда Усмон Дембеле (ПСЖ), учинчи ўринда эса Ламин Ямал ("Барселона") жойлашган.

Испания кубоги финалида ажойиб гол урган "Барселона" ярим ҳимоячиси Педри тўртинчи ўринга кўтарилди. Кейинги поғоналарни Муҳаммад Салоҳ ("Ливерпуль"), Роберт Левандовски ("Барселона"), Деклан Райс ("Арсенал"), Лаутаро Мартинес ("Интер"), Харри Кейн ("Бавария") ва Килиан Мбаппе ("Реал") эгаллаган.