"Olimpik"ni qator o‘yinchilar tark etdi

"Olimpik" jamoasi ikkinchi davra oldidan tarkibni shakllantirish ishlarini olib bormoqda. Yozgi transfer oynasida jamoani bir qator o‘yinchilar tark etishdi. Xususan, OKMKdan ijaraga olingan Iskandar Bo‘sinov, "Turon"dan ijaraga olingan Rustamxon Azimov va Abdurahim Saydullaev, "Chig‘atoy"dan olingan Azamat Abdurashidovlar o‘z jamoalariga qaytishdi.

Bundan tashqari, qanot yarim himoyachisi Muhammadali G‘iyosov Navoiyning "Qizilqum" jamoasiga ijaraga berildi.