O‘FA birinchi vitse-prezidenti Ravshan Ermatov OAV xodimlarini kasb bayrami bilan tabrikladi

Yaqindagina O‘zbekiston futbol assotsiatsiyasi birinchi vitse-prezidenti lavozimiga tayinlangan taniqli hakam Ravshan Ermatov bugun 27 iyun — matbuot va ommaviy axborot vositalari xodimlari kuni munosabati bilan ushbu sohada mehnat qilayotgan barcha insonlarni tabrikladi.

“Hurmatli Ommaviy axborot vositalari xodimlari, aziz do‘stlar, o‘zbek futbolining haqiqiy jonkuyarlari! Bugungi kasb bayramingiz bilan futbol oilasi nomidan tabriklayman. Futbol olamidagi yangiliklarni muxlislarga xolis, batafsil hamda aniq tarzda etkazib berishda OAVning o‘rni nihoyatda beqiyos. Ushbu mas’uliyatli kasbingizni ado etishda sizga mustahkam sog‘liq, oilangizga tinchlik-xotirjamlik, ish-faoliyatingizda omad tilayman va doim futbolga bo‘lgan mehringiz ana shunday baland bo‘lishiga tilakdoshman”, - deydi Ermatov