Одам эмас, алгоритм: Магнус Карлсеннинг сирли устунлиги ҳақида

Магнус Карлсен — замонавий шахмат тарихидаги энг машҳур гроссмейстер. У 1990 йил 30 ноябрда Норвегиянинг Тонсберг шаҳрида туғилган. Магнус 5 ёшида шахмат ўйнашни ўрганди, аммо жиддий шуғулланиши 8 ёшдан бошланди. У жуда кучли хотираси, математик фикрлаши ва ижодкорлик қобилияти билан мураббийлари эътиборини тортди. Унинг илк мураббийларидан бири Норвегия гроссмейстери Симен Агдестеин эди.

2004 йилда у атиги 13 ёшида халқаро гроссмейстер унвонини олди ва ўша пайтда дунёдаги энг ёш гроссмейстерлардан бири бўлди.

Магнус Карлсен шахмат тарихидаги энг кўп форматда жаҳон чемпионлигини қўлга киритган шахматчилардан бири ҳисобланади. У уч хил турдаги расмий ФИДЕ чемпионатларида жами 15 маротаба жаҳон чемпиони номига сазовор бўлган.

Классик шахмат бўйича – 5 марта;

Рапид шахмат – 5 марта;

Блиц шахмат – 5 марта.

2023 йилда Магнус классик жаҳон чемпионлиги унвонидан ихтиёрий тарзда воз кечди, бироқ шахматдаги фаолиятини давом эттирмоқда ва бошқа форматларда ғалаба қозонмоқда.

“Carlsen vs The World” — Янги Саҳифа

2025 йил баҳорида Магнус "Магнус Сarlsen vs The World" деб номланган ноёб онлайн шахмат ўйинида 143 000 дан ортиқ глобал иштирокчига қарши ўйнади. Ўйинда ҳар юриш олдидан халқаро фойдаланувчилар овоз берган, Карлсен эса ҳар сафар энг кўп овоз тўплаган юришга қарши ўйнаган. Ўйин 46 юриш давом этди ва охир-оқибат уч марталик такрорланган позиция туфайли дуранг билан якунланди.

Бу ўйин шахмат тарихидаги энг катта онлайн интерактив дуэль сифатида тарихга кирди.

Магнус анъанавий шахматдан ташқари, янги форматларга ҳам катта эътибор қаратмоқда. У “Фреэстйле Chess”  форматининг фаол тарғиботчиси. 2025 йилда Парижда бўлиб ўтган "Freestyle Grand Slam" турнирида Ҳикару Накамура устидан ғалаба қозониб, яна бир марта ўзининг мослашувчанлиги ва ижодкорлигини намоён этди.

Карлсен ўзининг ноанъанавий, лекин жуда аниқликка асосланган ўйин услуби билан танилган. У позицион устунликни секин-аста ошириб бориб, рақибини босим остига олиш орқали ғалабага эришади. У кўпинча кичик хатолардан катта натижалар чиқаради. Шу жиҳати билан у "Шахматнинг Мотсарти" деб аталади.

Магнус Карлсен шунчаки жаҳон чемпиони эмас — у шахмат маданиятини, унинг оммабоплигини ва инновацион тарафларини янги босқичга олиб чиққан шахсдир. У бугунги кунда ҳам фаолиятини давом эттириб, янги авлод шахматчилари учун илҳом манбаи бўлиб қолмоқда.