Obameyang qachon safga qaytadi?

"Arsenal" ustozi Mikel Arteta jarohati sabab, "Everton"ga (1:2) qarshi o‘yinni o‘tkazib yuborgan hujumchi Per-Emerik Obameyangning tiklanish jarayoni qanday ketayotgani haqida gapirdi.

“Albatta, biz uni imkon qadar ertaroq safga qaytishini xohlardik. Ammo uning son mushaklari jarohatlangan va bunday vaziyatda shoshmaslik lozim. Hammasi davolanish jarayoniga bog‘liq. Ehtimol, biz bir yoki ikki hafta kutarmiz”, - dedi ispaniyalik mutaxassis.

Obameyang joriy mavsum APLda 13 ta o‘yinda maydonga tushdi va raqiblari darvozasiga bor yo‘g‘i 3 ta gol urdi xolos.