"Ньюкасл" Англия лига кубоги финалига чиқди

Англия лига кубогининг ярим финалидан ўрин олган "Ньюкасл" - "Саутгемптон" баҳси якунланди. Ўйин мезбонларнинг 2:1 ҳисобидаги ғалабаси билан тугади.

Учрашувда Лонгстафф дубль қайд этган бўлса, Адамс гол уриб ҳисобни 2:1 кўринишига олиб келди.

Эслатиб ўтамиз, бирини учрашувда ҳам "Ньюкасл" ғалаба қозонган. Умумий ҳисоб - 3:1.

Клубнинг финалдаги рақиби "Манчестер Юнайтед" - "Ноттингем Форест" баҳсида аниқланади.