Niko Kovach: Biz birinchi pog‘onani berib qo‘yish niyatimiz yo‘q

Germaniya Bundesligasining 29-turida "Bavariya" safarda "Fortuna" ustidan g‘alaba qozondi. Uchrashuvdan so‘ng Niko Kovach o‘z fikrlarini bildirib o‘tdi.

"Biz o‘yinga jiddiy tayyorgarlik ko‘rdik va g‘alaba qozonishga haqli edik. Jamoamiz yaxshi o‘ynadi va Bundesliga etakchilikni yana o‘z qo‘limizga oldik. Mavsumning qolgan qismida etakchilikni berib qo‘yish niyatimiz yo‘q.

Qolgan turlar davomida bizga oson bo‘lmasligi aniq. "Bavariya" shu tempni ushlab qolishga harakat qiladi. Noyerning jarohati borasida aniq biror fikrni ayta olmayman. Barchasi, ertaga bo‘lib o‘tadigan tibbiy ko‘rikdan keyin ma’lum bo‘ladi", - deydi Kovach.