Ниҳоят, Левандовски нега “Барса”га келганини айтди

Ёзнинг энг катта трансферларидан бири “Бавария”нинг сўнгги йиллардаги энг зўр тўпурари Роберт Левандовскининг “Барселона”га кўчиб ўтгани бўлди.

Польшалик футболчи узоқ давом этган музокаралардан сўнг, мюнхенликларни ўзини қўйиб юборишга кўндирганди.

Mundo Deportivo нашрининг таъкидлашича, Левандовски мавсумнинг энг зўр футболчисига бериладиган “Олтин тўп” совринига эга бўлиш учун Каталония клубига кўчиб ўтган. Роберт “Бавария” таркибида орзусидаги совринни қўлга кирита олишига ишончи қолмаганидан кейин кетишга қарор қилган.

34 ёшли ҳужумчи “Барселона”да ҳам тўпурарлик маҳоратини намойиш қилмоқда. Барча турнирларда саккиз бор майдонга тушган Роберт рақиблар дарвозасига 11 та тўп киритди ва жамоадошларига бир жуфт голли пас узатди.