Нголо Канте: Азарнинг кетаётганидан тушкунликка тушиш керак эмас

Лондоннинг “Челси” клуби ярим ҳимоячиси Нголо Канте бельгиялик жамоадоши Эден Азарнинг “Реал”га ўтаётганидан тушгунликка тушмасликка чақирди.

“Тушгунликка тушиш керак эмас. Азар “Челси”да ажойиб даврларни ўтказди.  У ўтган вақт мобайнида ажойиб ишларни амалга оширди ва кўплаб совринларни қўлга киритди. У Европа лигаси финалида шунчаки фантастик ўйин кўрсатди. Энди эса биз унинг “Челси”га қилган барча хизматлари учун энг яхши тилакларимизни билдиришимиз мумкин. У билан ўйнаш ёқимли эди”, - дейди франциялик жаҳон чемпиони.

Эслатиб ўтамиз, бундан аввалроқ Давид Луиз ҳам Азарнинг кетиши борасида ўз фикрларини билдириб ўтган эди.