Neymar sensatsion transferga tayyorlanyapti

Saudiya Arabistonining “Al-Hilol” jamoasida o‘ynayotgan Neymar faoliyatida yana jiddiy va shov-shuvli o‘zgarish bo‘lishi kutilmoqda.

Braziliyalik futbolchi o‘zini tarbiyalagan “Santos” bilan hamkorlik masalasida kelishuvga erishdi.

Jurnalist Sesar Luis Merloning ijtimoiy tarmoqlardagi sahifasida ma’lum qilishicha, Neymarning agentlari “Al-Hilol” rahbariyati bilan o‘zaro hamkorlikni bekor qilish masalasida muzokaralarga kirishgan.

“Santos” klubi 25 noyabrgacha Neymarning transferini rasman e’lon qilishni rejalashtirmoqda. Shu kuni mashhur klub joriy mavsumdagi so‘nggi o‘yinini o‘tkazadi.