Neymar bor joyda Ronaldu va Benzemaga o‘rin yo‘q!

Transfermarkt portali Saudiya Arabistoni professional ligasida o‘ynayotgan eng qimmat futbolchilar reytingini tuzib chiqdi.

Kuchli o‘nlikni “Al-Hilol” hujumchisi Neymar boshqarib turibdi. Bu ko‘rsatkich bo‘yicha Krishtianu Ronaldu ham, Karim Benzema ham eng qimmat o‘n futbolchi qatoriga yaqinlasha olmadi.

“Top-10” bilan tanishing:

1. Neymar (“Al-Hilol”) — € 50 mln;

2. Ruben Nevesh (“Al-Hilol”) — € 40 mln;

3. Sergey Milinkovich-Savich (“Al-Hilol”) — € 40 mln;

4. Fabino (“Al-Ittihod”) — € 38 mln;

5. Otavio (“An-Nasr”) — € 35 mln;

6. Gabriel Veyga (“Al-Ahli”) — € 30 mln;

7. Malkom (“Al-Hilol”) — € 30 mln;

8. Rojer Ibanes (“Al-Ahli”) — € 28 mln;

9. Aleksandr Mitrovich (“Al-Hilol”) — € 28 mln;

10. Emerik Laport (“An-Nasr”) — € 25 mln.

38 yoshli Ronaldu va 35 yoshli Karim Benzema 15 million evrodan baholangan va kuchli o‘nlikka kiritilmadi.