“Navbahor”ning sobiq ustozi Gvardiola qo‘l ostida malaka oshirmoqchi

“Navbahor”da bosh murabbiy bo‘lib ishlagan rossiyalik mutaxassis Andrey Kanchelskis “Manchester Siti” bosh murabbiyi Xosep Gvardiola qo‘l ostida malaka oshirishni rejalashtirmoqda.

Yaqinda Kanchelskis o‘zi o‘ynagan klub – “Manchester Yunayted”da malaka oshirish imkoniyati cheklangani, chunki niderlandiyalik bosh murabbiy Erik ten Xag o‘z mashg‘ulotlarini yopiq tarzda olib borishini ta’kidlagan edi.

- Bilishimcha, Xosep Gvardiola Erik ten Xag singari hamma narsani yashiradigan murabbiy emas. Erik hamma narsani yopiq saqlaydi, niderlandiyaliklar g‘alati bo‘ladi.

Menga Gvardiola mashg‘ulotlariga qo‘shilish va bu jarayonni bevosita kkzatish qiziq, - dedi Andrey Kanchelskis.