"Navbahor"ni tark etgan Temurxo‘ja Abduholiqov sobiq jamoasiga qaytdi

"Bunyodkor" klubi kunni ashaddiy ishqibozlarini xursand qiladigan xabar bilan boshladi.

Gap shundaki, katta futbolga “Bunyodkor” o‘rinbosarlari safidagi ajoyib o‘yinlari orqali kirib kelgan tajribali hujumchi Temurxo‘ja Abduxoliqov uyiga qaytdi va yangi mavsumni “Bunyodkor” safida o‘tkazadi.

Klub matbuot xizmatining xabar berishicha, Abduxoliqov bilan ikki yilga mo‘ljallangan shartnoma imzolandi.

Hujumchi o‘tgan mavsumni "Navbahor"da o‘tkazdi va (Superliga hamda O‘zbekiston Kubogi bahslarida) 30 ta o‘yinda maydonga tushib 4 ta gol urdi.