"Navbahor"dan kimlar ketganini bilasizmi?

Samvel Babayan boshqaruvidagi "Navbahor" klubida ham o‘zgarishlar yuz beryapti. Tarkibga yangi o‘yinchilar qo‘shib olinayotgani bilan bir qatorda yo‘qotishlar ham bor. Klub matbuot xizmati "Navbahor"dan ketgan o‘yinchilarni rasman e’lon qildi. 

Hozirgacha hammasi bo‘lib 6 nafar o‘yinchi klubni tark etgan. Bular - himoyachilar - Igor Golban, Shahboz Jo‘rabekov, yarim himoyachilar – Oston O‘runov, Jasurbek Yaxshiboev va Doniyor Abdumannopov hamda hujumchi Temurxo‘ja Abduxoliqov.

"Navbahor" klubi ushbu futbolchilarga o‘z minnatdorligini bildirdi.

Saytimiz orqali xabar berib o‘tganimizdek, hozirga qadar Abduholiqov "Bunyodkor"ga, Golban esa "Nasaf"ga qaytdi.