Navbahor Hamidovadan kumush yoxud bokschi qizlarimiz tarix yozishdi!

Xabaringiz bor, ayni paytda Serbiyaning Nish shahrida boks bo‘yicha ayollar o‘rtasida jahon chempionatining final bahslari bo‘lib o‘tmoqda.

E’tiborlisi, ushbu bosqichga Navbahor Hamidova etib keldi. -66 kg da ringga ko‘tarilgan vakilamiz turkiyalik Busenaz Syurmeneliga qarshi jang qildi. Afsuski, to‘liq 3 raund davom etgan bahsda Hamidova imkoniyatni boy berib qo‘ydi.

Shu tariqa, terma jamoamiz mazkur musobaqani 3 ta bronza va 1 ta kumush medal bilan yakunladi. Ushbu natija ayollar boksimiz uchun rekord hisoblanadi. Sababi, shu kungacha jahon birinchiliklarida eng yuqori natijamiz faqatgina bitta bronza medali bo‘lgan.

Yuqoriga ko‘tarilishda davom etayotgan Elshod Rasulov boshchiligidagi jamoamizni va bokschilar oilasini mazkur musobaqada qayd etgan natijalar bilan tabriklaymiz !!!