Нархи энг кўп кўтарилган футболчи ким?

Трансферларга ихтисослашган энг нуфузли нашр Transfermarkt портали Англия Премьер-лигасида нархи кескин кўтарилган футболчилар рейтингини эълон қилди.

Унга кўра, энг қимматлаган ўйинчи “Брайтон”нинг 18 ёшли ҳужумчиси Эван Фергюсон бўлди. Истеъдодли форварднинг трансфер суммасига 35 миллион евро қўшилиб, айни пайтда бу сумма 65 миллион еврони ташкил қиляпти.

Иккинчи ўринда “Манчестер Сити”да порлай бошлаган Жереми Доуку қайд этилган. Аввал 28 миллион еврога баҳоланган футболчининг трансфер суммаси 60 миллион еврога етди.

Бир неча чарм тўп устасининг нархига 20 миллион евродан қўшилди. Унга кўра, бундан буён Хулиан Альварес 80 миллион, Доминик Собослаи 70 миллион, Лукас Пакета  ва Расмус Хёйлунн 65 миллион, Пап Сарр 35 миллион евро туради.