"Napoli" prezidenti Spallettining jamoadan ketishini tasdiqladi!

"Napoli" prezidenti Aurelio De Laurentis bosh murabbiy Luchano Spallettining jamoadan ketishi haqidagi xabarni tasdiqladi.

"Spalletti - erkin odam. Agar murabbiy o‘zini maksimal darajada ko‘rsatib, ishdan bir yil tanaffus qilish kerak, deb hisoblasa, uni qo‘yib yuborgan ma’qul.

Shartnoma yana bir yilga mo‘ljallangan, ammo Spalletti tanaffus qilmoqchi. Qanday qilib rad etishim mumkin?

U bizga ko‘p yordam berdi. Men undan minnatdorman. U oldimga kelib, charchaganini aytdi va men ham buni to‘g‘ri tushundim", - dedi neapolliklar egasi.