"Napoli" mag‘lubiyatsiz yurishini davom ettiradi

Italiya chempionati 6-turidan o‘rin olgan "Napoli" -"Kalyari" bahsi yakuniga etdi va unda neapolliklar 2:0 hisobida raqibdan ustun keldi. 

Uchrashuvning 11-daqiqasida Osimxen hisobni ochgan bo‘lsa, 57-daqiqada Insine penaltini aniq amalga oshirib, oradagi farqni ikkitaga etkazib qo‘ydi. 

Ayni damda Spaletti shogirdlari 18 ochko to‘plashga ulgurdi va ular A Seriya turnir jadvalida karvonboshilik qilmoqda. Shuningdek, 2 ochkosi bor "Kalyari" 19-o‘rindan joy olgan.