МЮ тўпурар ҳужумчи билан келишиб олди

“Манчестер Юнайтед” Беньямин Шешко билан келишувга эришди.

Инсайдер Фабрицио Романонинг хабар беришича, “қизил иблислар” “Лейпциг” ҳужумчиси билан шахсий шартларни келишиб олган. Келишув 2030 йилнинг июнигача мўлжалланган. Клублар ўртасидаги музокаралар ҳали давом этмоқда.

МЮ бошида Шешко учун 75+10 миллион евро кўринишида таклиф жўнатиб рад жавоб олган эди. Ҳозирда жамоа таклифлини яхшилагани ва бонусларсиз 80 миллион евро тўлашга тайёр эканлигини билдирди.

Маълумот учун, 22 ёшли ҳужумчи ўтган мавсумда 45 та ўйинда майдонга тушиб, 21 та гол киритди ва 6 та голли узатмани амалга оширди.