MYu sobiq futbolchisi Maykl Kerrik "Midlsbro" bosh murabbiyi etib tayinlandi

O‘z vaqtida "Manchester Yunayted" jamoasida to‘p tepgan Maykl Kerrik bugun Chempionship vakili "Midlsbro" klubi bosh murabbiyi etib tayinlandi. Bu haqda klub rasmiy sayti xabar berdi.

U bosh murabbiy sifatida o‘zining ilk ishini boshlamoqda. Bundan oldin sobiq futbolchi MYuda Joze Mourino va Ole-Gunnar Sulsherga yordamchi murabbiy sifatida yordam bergan. Shuningdek, "qizil iblislar"ni u 3 o‘yinda maydonga boshlab tushgan.

"Vilyarreal" va "Arsenal"ga qarshi o‘yinlarda g‘alaba, "Chelsi" bilan esa durang natija qayd etilgan.