MYu sardori taklifi katta xayriya ishiga sababchi bo‘ldi

"Manchester Yunayted" sardori Xarri Maguayr jamoadoshlaridan Manchesterdagi kasalxonalarga maoshlarining 30 foizini xayriya qilishlarini so‘ragan.

Xabarlarga ko‘ra, "qizil iblislar" sardor taklifga rozi bo‘lishgan va jamoa direktori Ed Vudvord bilan ushbu mavzuni muhokama qilishgan.

Virus keltirib chiqargan moliyaviy zararlar ortidan MYu futbolchilar maoshlarini pasaytirmasligini ma’lum qilgan edi.

Ma’lumot o‘rnida, mankunianliklar Angliya va Evropada eng katta maosh to‘lovchi klublardan biri hisoblanadi.