МЮ бугун "Аякс" билан якуний музокараларга киришади

"Манчестер Юнайтед" жамоаси бугун "Аякс" билан ҳимоячи Лисандро Мартинеснинг трансферини муҳокама қилади. Бу ҳақда инсайдер Фабрицио Романо хабар берди. 

Манчестерликлар ҳамон Мартинес трансферидан умид узмаган. Маълумотларга кўра, бугун жамоалар 24 ёшли иқтидор эгасининг масаласи бўйича якуний музокараларга киришади. 

Юқоридаги манбага кўра, "Аякс" Лисандро борасида билдирилган таклифларнинг барчасига рад жавобини бериб келган. Ҳимоячининг ўзи фаолиятини АПЛда давом эттиришга қарши эмас. 

Шунингдек, музокаралар жараёнида вингер Антонининг хариди ҳам кўриб чиқилиши кутилмоқда.