Мухлислар яна Роналдуни танлашди

"Манчестер Юнайтед" ўзининг расмий сайти орқали жамоанинг якунига етаётган март ойидаги энг яхши футболчисини эълон қилди.

Мухлислар ўртасида ўтказилган овоз бериш якунларига кўра, португалиялик ҳужумчи Криштиану Роналду ҳаммадан кўп овоз тўплади ва ғолибликни қўлга киритди.

Таъкидлаш керакки, 37 ёшли футболчи март ойида МЮ сафади фақатгина 2 та ўйинда майдонга тушди. Роналду "Тоттенхэм"га (3:2) қарши баҳсда хет-трик муаллифига айланди.

Шу тариқа Роналду ушбу совринни жорий мавсумда учинчи марта қўлга киритди.