Мутаҳассис Гвардиолага "Манчестер Сити"дан кетишни маслаҳат берди

Бир неча йиллар олдин Хосеп Гвардиола бошчилигидаги мураббийлар штабида фаолият юритган футбол аналитиги Карлес Планшар испаниялик мутахассиснинг келажаги ҳақида фикр билдирди.

"Гвардиоланинг ўзи “Сити”дан кетиш қарорини қабул қилиши мумкин. Менимча, бир клубдаги лойиҳа тахминан 5–6 йил давом этиши керак, ундан кўп эмас. Шу муддатдан кейин дам олиш лозим. Мен Хосепга янги иш жойини излашни маслаҳат бераман — уни ҳали олдинда узоқ йўл кутмоқда", — дея Планшарнинг сўзларини "Sport.es" нашри келтирди.

Маълумот учун, Гвардиола бошчилигидаги "Манчестер Сити" АПЛнинг 7-туридан сўнг 13 очко жамғариб, 5-ўринда бормоқда. 54 ёшли мураббийнинг клуб билан тузган амалдаги шартномаси 2027 йилнинг ёзигача мўлжалланган.