Мусиала "Бавария" тарихига кириши мумкин

Жамал Мусиала "Бавария" тарихидаги энг қиммат шартномага имзо чекиши мумкин.

Мюнхен клуби ярим ҳимоячи билан янги шартнома тузиш имкониятини кўриб чиқмоқда. Мусиаланинг маоши йилига 20 миллион евродан ошиши кутилмоқда. Агар бу рўй берса у Харри Кейн ва Роберт Левандовски даражасида даромад олади, дея хабар бермоқда "Bild" нашри.

Шунингдек, шартноманинг умумий суммаси "Бавария" учун рекорд кўрсаткич бўлади. Келишув 5 йилга мўлжалланган бўлиб, шу муддат давомида Мусиала 100 миллион евродан ортиқ маблағ олади.

Маълумот учун, германиялик футболчи Бундеслиганинг жорий мавсумида 10 та ўйин ўтказиб, 6 та гол урди.