Mundialning eng qimmatbaho yosh futbolchilari termasi tuzildi

Transfermarkt portali Qatarda bo‘ladigan jahon chempionatida ishtirok etadigan eng qimmatbaho yosh futbolchilar ramziy terma jamoasini tuzib chiqdi. Jamoaga 21 yoshgacha bo‘lgan o‘yinchilar kiritildi.

Darvozabon: Simon Ngapanduetnbu (19 yosh, Kamerun, € 400 ming).

Himoyachilar: Nunu Mendesh (20 yosh, Portugaliya, € 60 mln), Yoshko Gvardiol (20 yosh, Xorvatiya, € 60 mln), Vilyam Saliba (21 yosh, Frantsiya, € 50 mln), Jeremi Frimpong (21 yosh, Niderlandiya, € 25 mln).

Yarim himoyachilar: Jud Bellingem (19 yosh, Angliya, € 100 mln), Gavi (18 yosh, Ispaniya, € 90 mln), Pedri (19 yosh, Ispaniya, € 100 mln).

Hujumchilar: Jamol Musiala (19 yosh, Germaniya, € 100 mln), Yussuf Mukoko (17 yosh, Germaniya, € 30 mln), Bukayo Saka (21 yosh, Angliya, € 90 mln).