Муҳаммад Салоҳ “Сити” юлдузини “Ливерпуль”га чақирди

Англия чемпионлигини қўлга киритган “Ливерпуль” тўпурари Муҳамад Салоҳ “Манчестер Сити” футболчиси Кевин де Брюйне ҳақида илиқ фикр билдирди.

Маълумки, 2015 йилдан бери “шаҳарликлар” сафида ўйнаб келаётган бельгиялик плеймейкер жорий мавсум тугаши билан клубни тарк этади.

- Кевин де Брюйне “Манчестер Сити”да феноменал даражада фаолият юритди. Бутун лига учун бу ўйинчи жуда муҳим ва ажойиб кадр эди. Мен ҳақиқатан унга энг яхши нарсаларни тилайман. Тўғриси, бизнинг “Ливерпуль”да ҳам унга жой топилади, - деди Муҳаммад Салоҳ.

Таъкидлаш жоизки, 33 ёшли плеймейкерга қизиқиш билдираётган клублар орасида “Ливерпуль” ҳам бор. Қолаверса, мерсисайдликлар сафида қолишга қарор қилган нидерландиялик ҳимоячи Виржил ван Дейк Кевин де Брюйненинг яқин дўсти ҳисобланади.