Muhammad Saloh Sadio Mane bilan urishib qoldimi?

“Liverpul”ning afrikalik etakchilari Muhammad Saloh va Sadio Mane o‘zaro kelisha olmasligi haqida ko‘p gapiriladi. Ularning jamoadoshi Endryu Robertson bunga o‘z munosabatini bildirdi.

- Saloh va Mane o‘rtasidagi munosabatlar mustahkam. Jamoamizning barcha futbolchilari bir biri bilan ahil. So‘nggi yillardagi muvaffaqiyatlarimiz ana shu do‘stona munosabatlar mahsulidir, - dedi Robertson.

Shuningdek, tajribali himoyachi hujumda o‘ynaydigan futbolchilar ba’zan xudbinlik qilib turishi va bu sheriklariga yoqmasligi odatiy hol ekanini ham ta’kidladi.