“Roma” zo‘r hujumchiga xaridor!

“Torino” klubining so‘nggi yillardagi eng zo‘r hujumchisi Andrea Belotti jamoa bilan yangi shartnoma tuzmadi va ayni paytda erkin agent maqomida yuribdi.

28 yoshli hujumchini A Seriya jamoalaridan “Roma” o‘z safida ko‘rmoqchi. Joze Mourino anchadan beri ko‘p gol ura oladigan forvardga ehtiyoj sezmoqda.

Rim klubidan tashqari Frantsiya chempionati vakillaridan “Nitstsa” va “Monako” italiyalik futbolchini o‘z safiga chorlayapti.

Ma’lumotlarga qaraganda, uchala klub Italiya terma jamoasi futbolchisi manfaatlarini himoya qilayotgan agentlar bilan muzokara o‘tkazmoqda.

Belotti faoliyati davomida 390 ta uchrashuv o‘tkazib, 106 ta gol va 27 ta assist muallifi bo‘lganini aytish joiz.